Oct 4, 2007

Bagaya sasadangnya haja

samukuran ulun badiam di kuwait ulun nyaris hudah kada mamakai bahasa padatuan ulun lagi, kadanya marasa harat pang matannya kadada urang yg kawa di pandiri pakai basa banjar lg. Malah uluntu marasa himung banar ulun tu sakalinya baisi bahasa daerah sorang (hanyar sadar sakalinya). Ulun mamakai basa banjar paling rancak di catingan wan kakawalan ulun di banjarmasin, di sia (totok banar kalo rantaunya?)suahai sakali tatamu urang banjar, tu jua sakali haja tapi inya kada asli banjar jar umanya yg urang banjar, mun abahnya urang jawa. Ulun handak mantes basa banjar ulun, kira2 masih bujur kada lah..hahha..kisahnya dalam bahasa ini jua bisa manyarempet2 saikit ulun sangajaakan jadinya kalo pakai basa ini biar kada samunyaan urang mangarti hhohooo..

ulun ada baisi kawan bakulit hirang banar.., paham kalo yg ulun maksudakan dari kampung nagara mana itu? afrika dangsanakai.. nah inyatu katuju banar sabujurnya bagaya, tapi bagaya inyatu kaliatan sarius, bahanu ulun kada paham pabila inya sarius pabila inya bagaya, tapi paampihannya jua ulun anggap inya bagaya haja.

sumalamtu, inya manyariki kawan ulun yg dari pilipina. abis tu inya maucapakan gasan inya sorang 'ikan tahu kalu munnya aku baisi bad termper?'..inya kada sakali dua kali mamadahakan inya sorang kaya itu..abis tu biasanya ulun sahuti 'kada usah kawatir, sabarataan urang tahu ikam tu baisian bad temper' kaya itu munnya ulun basa banjarakan. inya masih basasarik juaa.. abis tu tiba2 ulun kacaplosan 'ikam tu kriminal'..huwaaaaa.. yg mandangarakan kihikkk katawaaan kada sing ampihan..tapi sakalinya inya kada mandangar pas itu handak ka jamban. karna inya panasaran kanapa urang tatawaan inya batakun lagi lawan kawan ulun saikungnya, ulun tadi manyambati apa wan inya?

pas kaluar dari jamban, inya langsung mamaraki ulun, duduk bakarinah 'kam napa nyambati aku kaya itu?' jarnya..abis tu di padahinya jua 'sumalam ikam jua shut aku' wayah ini ikam manyambati aku kriminal lah' jarnya lagi, muhanya sarius banarrrr kam parasaan ulun.

jar ulun lagi, ikam sorang kalo yg manyambati bahwa ikam tu baisi bad tamper, nah ulun tu mamastiaakan banarai jar ulun balamah tapi sambil lihum2 jua pang ulun masih maanggap takunannya itu sarius, trus inya manyauti ulun, aku bagaya banarai. nah pas inya manyambat itu ulun padahi jua 'ulun gin bagaya jua am' abis tu inya maninggalakan ulun wan muka yg kada nyaman di liat.

ulun bapikiran, apa ulun katalaluan tadi lah bagayanya.. aduhh.. ulun marasa kada nyaman. pas tatamu inya ulun barusaha kaya kada tajadi apa2. nah kada barapa saat kemudian ulun barasa inyatu kalakuannya jadiii baikkkkk banarr lawan ulun, kada wan ulun jua pang tapi wan yg lain, kada ulun lihat lagi inya bagaya kaya bahari2. abis tu jua pas handak buka, inya maambilakan jatah makan ulun.. nah hikamai.. ulun jadi batakun2 dalam hati 'kanapalah?

samukuran sumalam, bujuran, paampihannya.. inya baikkkk banar lawan ulun, bagayanya jua kada kaya bahari.. apa ulun harus himung apa harus sadih lah?

2 comments:

Bakhrian said...

Heheheh... lucu... tapi pasti ngalih mahilangakan bahasa Indunisa.. makanya jadi tacampur-campur.... tapi kadapapa cil ai... rami mambacanya...

Anonymous said...

u... urang banjar jua sakalinya.. hehe.. umpat baelang satumatlah... salam dari banua..